قرنبيط مقلي بالخلطة على "سفرة دايمة"

[ندعوك للتسجيل في المنتدى أو التعريف بنفسك لمعاينة هذه الصورة]
هنقدّم لكم النهارده على "سفرة دايمة" طريقة تقديم القرنبيط المقلي، ودي أكلة شتوية مغذية ومفيدة جدا، جرّبوها وابعتوا لنا رأيكم فيها.

قرنبيط مقلي
المقادير:
زهرة قرنبيط
4 بيضات
كوب دقيق
كوب لبن
1/ 2 كوب شبت مفروم
1/ 2 كوب كزبرة مفرومة
2 فصوص ثوم مفروم
ملح وفلفل
ملعقة صغيرة كمون
ملعقة صغيرة شطة

الطريقة:
1-قطّعي القرنبيط قطع متوسّطة واسلقيها في ميه، وحطي فيها ملح وكمون، وبعدين صفّيها.
2- بعد كده اعملي الخلطة؛ وده بإنك تخلطي كل المكونات: "البيض، اللبن، الملح والفلفل، الثوم، الدقيق، الشبت، الكزبرة، الشطة، الكمون"، وقلّبيهم مع بعض كويس لحد ما يعمل سائل سميك.
3- بعد كده حطي قطع القرنبيط في الخليط، وبعدين اقليه في زيت ساخن جدا وغزير، وقدّميها سخنة.. بالهنا والشفا.

خلصت وصفاتنا النهارده..
استنونا كل يوم مع وصفات جديدة..
سلام،،،