♥♥منتديات رياض الاطفال♥♥
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 اريد افكار ازيين فصل رياض اطفال

اذهب الى الأسفل 
كاتب الموضوعرسالة
fosdoa
اداريه
fosdoa


عدد المساهمات : 464
تاريخ الميلاد : 20/10/1983
تاريخ التسجيل : 31/07/2009
العمر : 40

اريد افكار ازيين فصل رياض اطفال Empty
مُساهمةموضوع: اريد افكار ازيين فصل رياض اطفال   اريد افكار ازيين فصل رياض اطفال Empty2009-09-08, 18:13


[ندعوك للتسجيل في المنتدى أو التعريف بنفسك لمعاينة هذه الصورة] :
سلام عليكم

بالنسبه لفصل قاع البحر فانا اقترح عليكى انك تجيبى خيط السناره وتعمليه عكس بعض زى الغزل ولكن لازم يكون تحت اضاءة المكان وبعد كده تفردى عليها افرخ سلوفان ازرق هتدى اضاءه زرقاء وهتبقى كانها سقف تانى للفصل وتعلقى فى الخيوط دى سمكات ماسكه فى حيط بحيث انها تتحرك مع الهواء اللى داخل الفصل فتظهر كان السمكه تتحرك وطبعا السمكه ببتعمل بالخرز او قشر الفسدق اما بالنسبه للحديقه فهى يمكن ان تغطى القاعه بموكيت اخضر مع وجود بعض الشجيرات داخل الفصل و تخلى الاطفال يعتنو بيها كل يوم وممكن تشترى مجسمات لعصافير وتعلقيها بخيط من السقف وبردو تتساب للهوا عشان تبان انها بتطير
ده بالنسبه للتزيين العام
بالنسبه للوسائل التعليميه اللى حتتحط على الحيطه لازم انتى تقولى ناويه تحطى ايه وانا ممكن افيدك
يعنى مثلا حتحطى نتيجه ولا حتحطى حروف ولا لوحة طقس ولا ايه بالظبط
بس عموما انا هقولك على اللى اعرفه

اولا النتيجه ودى ممكن تجيبى اى شخصيه كارتونيه او بهلوان او اى حاجه يحبها الاطفال وبعد كده تعملى بالشفافيه مكان اليوم ومكان الشهر ومكان السنه تكون الشخصيه واقفه عليها او مسكاها

ثانيا لوحة الشرف وهى انك تجيبى من الاطفال صورهم وتلزقيها على ورده بالكانسون مسطحه عاديه جدا وتلزقى عليها اسكوتش (اللزاق بتاع الكوتشى) وتجيبى لوحه على شكل شجره وتلزقى عليها بعدد الاطفال وردات سوده وتحطى عليها الجزئ التانى من الاسكوتش وبكده هتكون لوحة شرف ولوحة غياب فى نفس الوقت بحيث ان كل طفل يجى نلزق صورته والاطفال الغايبين يكون مكانهم وردات سوده

ثالثا لوحة الطقس وهى انك تعملى الاربع فصول بخامات البيئه يعنى مثلا الصيف تعملى شكل شاطئ وتعملى الرمل بتاعه السنفره بتاعت الخشب والميه بالبرونز والشتا السحاب من القطن والشجر اللى من غير ورق تعمليه من قشر الخشب و كده ولوحة الطقس دى بتحتاجيها طول السنه عشان الاطفال يتعرفو على الفصول ويفرقو بينهم ويعرفو هم فى فصل ايه

رابعا الترمومتر وهو بيعرف الاطفال يوميا درجة الحراره بيتعمل بطريقه سهله جدا وهو انك تجيبى مستطيل كانسون لبنى وتقطعى فيه حز فى النص صغير وتكتبى التدريج بتاع الدرجات فوق الحز بس خلى الحز ده ما يكونش على طول المستطيل يكون بعد اوله وقبل اخره يعنى مايقطعش المستطيل نصين وبعد كتبة تدريج الدرجات زينيها كانها جنينه بالكانسون الاخضر بدرجاته وممكن تحطى شمس وكده
بعد كده اعملى فراشه صله واعملى على جنبها مؤشر و هاتى دبوس فراشه (بيتباع فى المكتبات بالاسم ده) وثبتى فيه الفراشه دى وبعد كده دخلى الدبوس فى المجرى واتنى طرفينه هيبان الشكل النهائى كان الفراشه بتطير فى الجنينه وفى نفس الوقت بالمؤشر اللى فى جناحها بتشاور على درجة حرارة انهارده

خامسا البورتفوليو وهو انك تعملى للاطفال اظرف تحطى فيها اعمالهم ممكن تحطيها فى الارفف وممكن تعلقيها فى الفصل ولو علقتيها خلى يوم الاطفال يعملو فيها اعمل صغيره اوى زى الورد مثلا وزينى بيها ظرف كل واحد فيهم وحطى عليها صورته يبقى حتى زينة الظرف من شغلهم


سادسا الحروف والارقام انا راييى يتعمل فى الحيطه مسمار ويتعمل كل حرف وكل رقم بحجم كبير يعنى حوالى نص فرخ او فرخ ويتغير كل يوم حسب اللى انتى بتدرسيه كذلك الموضوعات نعملها على لوحات حسب اللى انتى بتتكلمى عنه زى النظافه او الاخلاق او غيرها

بالنسبه للباب فهو لازم يتزين بنفس شكل الفصل يعنى قاع البحر بابه يتغطى بالسلوفان الازرق وتكشكشيه حيدى شكل حلو وتثبتى الكشكشه بدبابيس مكتب و تحطى عليه قواقع وصدف لو عندك وتعملى سمكه كبيره وتكتبى عليها قاعة قاع البحر
بالنسبه للحديقه هاتى ورق شجر حقيقى او فروع شجر حقيقيه واغسليها وادهنيها فلوت او اللاكيه الشفاف هيفضل معاكى طول عمرك او ممكن تعملى بالكانسون وتكون الخلفيه قماش كوريشه لبنى بحيث تغطى الباب كله وممكن فى النص زهره بايدين ورجلين او شجره بايدين ورجلين وتكتبى عليها قاعة الحديقه

بالنسبه لمكتب المعلمه فانا شايفه انه مالوش وجود فى حجرة نشاط مع اطفال روضه لان المعلمه مش بتعد لانهم مش فى كتاب ده لازم يكون فى نشاط ومرح وعمل يختلف تماما عن الاكبر سنا
يارب اكود افدتك وربنا يوفقك يارب



الرجوع الى أعلى الصفحة اذهب الى الأسفل
 
اريد افكار ازيين فصل رياض اطفال
الرجوع الى أعلى الصفحة 
صفحة 1 من اصل 1
 مواضيع مماثلة
-
» لوحه لحضور وغياب الاطفال(رياض اطفال)
» هذه المواقع تساعد معلمة رياض الأطفال
» انواع الالعاب الادراكية في رياض الاطفال
» أنشطة الأسبوعين التمهيديين في مرحلة رياض الاطفال خاص بالمعلمات
» افكار لمشاريع ركن الفنيه

صلاحيات هذا المنتدى:لاتستطيع الرد على المواضيع في هذا المنتدى
♥♥منتديات رياض الاطفال♥♥ :: 
الاقسام العامة
 :: ♥♥المنتدى العام لرياض الاطفال♥♥
-
انتقل الى: